18. Ashtad Yasht

Based on edition of Karl F. Geldner, Avesta, the Sacred Books of the Parsis, Stuttgart, 1896.

0.

(pa nãm i ýazdã, hôrmezd i hvadâe i awazûnî gurz hvarahe awazâyât,
âshtât ýazat bê rasât,
ezh hamâ gunâh ... pa patit hôm!)
xshnaothra ahurahe mazdå, tarôidîti angrahe mainyêush, haithyâvarshtãm hyat vasnâ ferashôtemem. staomî ashem,
ashem vohû...(3).
fravarâne mazdayasnô zarathushtrish vîdaêvô ahura-tkaêshô,

(Here recite the appropriate Gah dedication.)

airyanãm hvarenô mazdadhâtanãm
xshnaothra ýasnâica vahmâica xshnaothrâica frasastayaêca,
ýathâ ahû vairyô zaotâ frâ-mê mrûtê,
athâ ratush ashâtcît haca frâ ashava vîdhvå mraotû!

1.

mraot ahurô mazdå spitamâi zarathushtrâi, azem dadhãm airyanem hvarenô gaomavaitîm pouru- vãthwem pouru-ishtem pouru-hvarenanghem hush-hãm-beretem xrathwem hush-hãm-beretem shaêtem âzîm hamaêstârem dushmainyûm hamaêstârem.

2.

taurvayeiti angrem mainyûm pouru-mahrkem, taurvayeiti aêshmem xrvîdrûm, taurvayeiti bûshyãstem zairinem, taurvayeiti hãm-steretem aêxem, taurvayeiti daêum apaoshem, taurvayeiti anairyå dainghâvô.

3.

azem dadhãm ashîmca vanguhîm berezaitîm, fracaraiti añtare aredhem nmânahe srîrahe xshathrô- keretahe.

4.

tem hacât ashish pourush-hvâthra râiti ashava- xshnvaityâi mashyâi, fracaraiti añtare aredhem nmânahe srîrahe xshathrô- keretahe, vîspô-vãthwô vîspô-verethrô vîspô-xrathwô vîspô-hvarenô, aêvô-pâdhem nidathaite ashish vanguhi ýâ berezaiti añtare aredhem nmânahe srîrahe xshathrô-keretahe.

5.

hazangrem aspå bavaiti hazangrem vãthwå bavaiti uta âsnãmcit frazaiñtîm, hâmô ýaozaiti tishtrîm stârem hâmô vâtô darshish mazdadhâtô hâmô airyanem hvarenô.

6.

uta bareñti fradathem
vîspå bareshnavô gairinãm
vîspå jãfnavô raonãm
uta bareñti fradathem
vîspanãm urvaranãm frâurustanãm
srîranãm zairi-gaonanãm uta bareñti fradathem hãm-steretem aêxem uta bareñti mahrkathem daêum apaoshem.

7.

nemô tishtrîm stârem raêvañtem hvarenanghuñtem nemô vâtô darshish mazdadhâtô nemô airyanem hvarenô. ýathâ ahû vairyô...(4). ashem vohû...(3).

8.

ahunem vairîm ýazamaide, ashem vahishtem sraêshtem ameshem speñtem ýazamaide, vaca arshuxdha vârethrakhnish baêshazish ýazamaide, baêshazish vaca arshuxdha vârethrakhnish ýazamaide, mãthra speñta daêna mâzdayesne haomacanem ýazamaide, airyanem hvarenô ýazamaide,
ýenghê hâtãm âat ýesnê paitî vanghô mazdå ahurô vaêthâ ashât hacâ ýånghãmcâ tãscâ tåscâ ýazamaide!

(Recite silently:)

9.

(hôrmezd i hvadâe i awazûnî mardum mardum sardagã hamâ sardagã ham bâ ýasht i vahã vaem vahe dîn i mâzdayasnã âgâhî âstvãnî nêkî rasãnât êduñ bât,)

(Recite aloud:)

ýathâ ahû vairyô...(2).
ýasnemca vahmemca aojasca zavareca âfrînâmi
airyanãm hvarenô mazdadhâtanãm.
ashem vohû....

ahmâi raêshca ... hazangrem ... jasa-mê ... (kerba mazhd) ... ashem vohû...!!

Go to [Avesta -- Zoroastrian Archives | Khorda Avesta: Contents | Ashtad Yasht | English]