| Avesta -- Zoroastrian Archives | Contents | Prev | ka | Next | Glossary |
1 YaqA ahU WairyO...(2).
aCvm WohU...(3).
frawarAne mazdayasnO zaraquStriS WIdaEwO ahura-TkaECO,
(Here recite the appropriate Gah dedication.)
dahmayl WaMhuyl AfritOiS uGrAi dAmOiS upamanAi
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.
2 tl ahmi nmAne jamyArvS Yl aCaon&m xCnUtasca aCayasca
WyAdaibiSca paiti-zaNtayasca,
us-nU ai?hAi WIse jamyAT aCvmca xCaqrvmca sawasca Xarvnasca
XAqrvmca darvGO-fratvmaqBvmca ai?hl daEnayl YaT AhurOiS
zaraquStrOiS.
3 asista-nU ai?haT haca WIsaT gAuS buyAT asistvm aCvm asistvm
narS aCaonO aojO asistO AhUiriS TkaECO.
4 jamy&n iqra aCAun&m WaMuhIS sUrl spvNtl frawaCayO aCOiS
baECaza hacimnl zvm-fraqaMha dAnu-drAjaMha hwarv-barvzaMha iStVe
WaMhaMh&m paitiStAtVe Ataran&m fraCa-WaxCyAi ray&mca
XarvnaMh&mca.
5 WainIT ahmi nmAne sraoCO asruStIm AxStiS anAxStIm rAitiS
arAitIm ArmaitiS tarOmaitIm arSuxDO WAxS miqaoxtvm WAcim
aCa-drujvm.
6 Yaqa ahmya amvCl spvNta sraoCADa aCyADa paitiC&n WaMhUS
Yasn&sca Wahm&sca WohU Yasnvmca Wahmvmca hubvrvtImca
uStabvrvtImca WaNtabvrvtImca A-darvGAT XA-bairyAT.
7 mA Yawe imaT nmAnvm XAqrawaT XarvnO frazahIT mA XAqrawaiti
IStiS mA XAqrawaiti Asna frazaiNtiS XAqrO-disyehe paiti aCOiSca
WaMhuyl darvGvm haxma.
aCvm WohU...(3).
8 (rAspI:) ahurahe mazdl raEwatO XarvnaMuhatO
(zOT u rAspI,)
AfrInAmi xCaqrayAne dai?hu-paiti uparAi amAi uparAi WvrvqrAi
uparAi xCaqrAi xCaqrvmca paiti-astImca darvGO-xCaqrvm
xCaqrahe darvGO-jItIm uStAnahe drwatAtvm tanubyO,
9 amvm hutaStvm huraoDvm WvrvqraGnvm ahuraDAtvm WanaiNtImca
uparatAtvm pouru-spaxStIm TbiCyaNt&m paiti-jaitIm duSmainyun&m
haqrAniwAitIm hamvrvqan&m aurwaqan&m TbiCyaNt&m.
10 AfrInAmi Wawanwl WanaT-pvCvnv buye WIspvm aurwaqvm
TbiCyaNtvm WIspvm aGvm TbiCyaNtvm araqByO-manaMhvm
araqByO-WacaMhvm araqByO-Kyaoqnvm.
11 Wawanv buye raqBya manaMha raqBya WacaMha raqBya Kyaoqna
nijanv buye WIspe duSmainyU WIspe daEwayasnV zazv buye WaMhAuca
miZde WaMhAuca srawahe urunaEca darvGe hawaMhe.
12 AfrInAmi,
darvGvm jwa uSta jwa awaMhe nar&m aCaon&m &zaMhe
duZwarStAwarvz&m WahiStvm ahUm aCaon&m raocaMhvm WIspO-XAqrvm,
aqa jamyAT Yaqa AfrInAmi.
...... humatan&m hUxtan&m hwarStan&m yadacA anyadacA Wvrvzyamnan&mcA
WAwvrvzanan&mcA mahI aibI-jarvtArO naEnaEstArO YaqanA Wohun&m
mahI << (2).
YaqA ahU WairyO....
aCvm WohU....
13 YaqA ahU WairyO...(2).
Yasnvmca Wahmvmca aojasca zawarvca AfrInAmi
dahmayl WaMhuyl AfritOiS uGrAi dAmOiS upamanAi.
aCvm WohU....
aqa jamyAT Yaqa AfrInAmi.
humatan&m hUxtan&m hwarStan&m yadacA anyadacA Wvrvzyamnan&mcA
WAwvrvzanan&mcA mahI aibI-jarvtArO naEnaEstArO YaqanA Wohun&m
mahI..
1 YaqA ahU WairyO...(8).
aCvm WohU...(3).
frawarAne mazdayasnO zaraquStriS WIdaEwO ahura-TkaECO,
(Here recite the appropriate Gah dedication.)
ahurahe mazdl raEwatO XarvnaMuhatO amvCan&m spvNtan&m gAqAbyO
spvNtAbyO ratuxCaqrAbyO aCaonibyO ahunawaityl gAqayl
uStawaityl gAqayl spvNtAmainyVuS gAqayl Wohu-xCaqrayl gAqayl
WahiStOiStOiS gAqayl,
2 aCAun&m frawaCin&m uGran&m aiBiqUran&m paoiryO-TkaECan&m
frawaCin&m nabAnazdiStan&m frawaCin&m
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.
3 ahurvm mazd&m raEwaNtvm XarvnaMuhaNtvm Yazamaide,
amvCA spvNtA huxCaqrA huDlMhO Yazamaide,
gAql spvNtl ratuxCaqrl aCaonIS Yazamaide,
ahunawaitIm gAq&m aCaonIm aCahe ratUm Yazamaide,
uStawaitIm gAq&m aCaonIm aCahe ratUm Yazamaide,
spvNtA-mainyUm gAq&m aCaonIm aCahe ratUm Yazamaide,
Wohu-xCaqr&m gAq&m aCaonIm aCahe ratUm Yazamaide,
WahiStOiStIm gAq&m aCaonIm aCahe ratUm Yazamaide.
4 aCAun&m WaMuhIS sUrl spvNtl frawaCayO Yazamaide
Yl WIsADa AwayeiNti
hamaspaqmaEdaEm paiti ratUm
AaT aqra WIcarvNti dasa pairi xCafnO
awaT awO zixCnlMhvmnl,
50 kO nO stawAT kO YazAite
kO ufyAT kO frInAT kO paiti-zanAT gaomata zasta Wastrawata
aCa-nAsa nvmaMha
kahe nO iDa n&ma AGairyAT
kahe WO urwa frAyezyAT
kahmAi nO taT dAqrvm dayAT
YaT hE aMhaT Xairy&n ajyamnvm
YawaEca YawaEtAtaEca.
AaT YO nA-hIS frAyazAite
gaomata zasta Wastrawata aCa-nAsa nvmaMha ahmAi AfrInvNti xCnUtl
ainitl aTbiStl uGrl aCAun&m frawaCayO,
buyAT ahmi nmAne gVuSca
W&qBa upa WIran&mca
buyAT AsuSca aspO dvrvzrasca WAxCO,
buyAT nA stAhyO WyAxanO
YO-nO bADa frAyazAite
gaomata zasta Wastrawata aCa-nAsa nvmaMha.
aCvm WohU...(3).
5 (rAspI:)
ahurahe mazdl raEwatO XarvnaMuhatO
(zOT u rAspI:)
AfrInAmi xCaqrayAne ... mahI(2).
YaqA ahU WairyO....
aCvm WohU....
6 YaqA ahU WairyO...(2).
Yasnvmca Wahmvmca aojasca zawarvca AfrInAmi
ahurahe mazdl raEwatO XarvnaMuhatO amvCan&m spvNtan&m gAqAbyO
spvNtAbyO ratuxCaqrAbyO aCaonibyO ahunawaityl gAqayl
uStawaityl gAqayl spvNtAmainyVuS gAqayl Wohu-xCaqrayl gAqayl
WahiStOiStOiS gAqayl,
aCAun&m frawaCin&m uGran&m aiBiqUran&m paoiryO-TkaECan&m
frawaCin&m nabAnazdiStan&m frawaCin&m.
aCvm WohU....
aqa jamyAT Yaqa AfrInAmi,
...... humatan&m hUxtan&m hwarStan&m yadacA anyadacA Wvrvzyamnan&mcA
WAwvrvzanan&mcA mahI aibI-jarvtArO naEnaEstArO YaqanA Wohun&m
mahI << (2).
YaqA ahU WairyO...(21).
aCvm WohU...(12).
ahmAi raESca ... hazaMrvm ... (kvrba maZd) ... aCvm WohU.....
1 YaqA ahU WairyO...(4).
aCvm WohU...(3).
frawarAne mazdayasnO zaraquStriS WIdaEwO ahura-TkaECO,
(Here recite the appropriate Gah dedication.)
raqB&m ayaran&mca asnyan&mca mAhyan&mca YAiryan&mca sarvDan&mca
YasnAica WahmAica xCnaoqrAica frasastayaEca
raqBO bvrvzatO YO aCahe raqB&m ayaran&mca asnyan&mca mAhyan&mca
YAiryan&mca sarvDan&mca raqB&m WIspe-maziStan&m YOi hvNti aCahe
ratawO hAwanIm paiti ratUm.
2 (ci gahaNbAr bVT,)
maiDyOi-zarvmayehe raqBO maiDyOiCvmahe raqBO paitiShahyehe raqBO
ayAqrimahe raqBO maiDyAiryehe raqBO hamaspaqmaEdayehe raqBO
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.
3 dAtAca aEte mazdayasna aEtvm ratUmca myazdvmca Yim
maiDyOizarvmaEm pasVuS garvbuS YOiStahe frA-uruzda-payaMhO Yezi
taT Yayata nawAT taT Yayata,
4 huraylsciT aDa aEtawatO daidyaT A-diT fraMhArayaT sraoCAT
d&hiSta arS-Wacastvma aCvm aCawastvma xCaqrvm huxCaqrOtvma
anazawaxtvma Wouru-rafnOstvma marZdikawastvma qrAyO-driGutvma
saKuStvma aCahe bvrvjO stryO mayl pArvNdIS upawAzO Yezi taT
Yayata nawAT taT Yayata,
5 aEsman&mciT AaT huCat&m pairIStan&m WazyAiS stAiSca
staoyVbIS ratVuS nmAnvm frAnACayata Yezi taT Yayata nawAT taT
Yayata,
aEsman&mciT AaT huCat&m pairIStan&m A-gaoCO-masVbIS
&xmO-frAnO-masVbIS zastO-frAnO-masVbIS ratVuS nmAnvm frAnACayata
Yezi tUtawa nawAT tUtawa,
6 huxCaqrOtvmAiciT aT xCaqrvm cICyAT YaT ahurAi mazdAi,
huxCaqrOtvmAi bAaT xCaqrvm ahmaT hyaT aibI dadvmahicA cICmahicA
hw&nmahicA hyaT mazdAi ahurAi aCAicA WahiStAi,
dAtO hE myazdO ratufrIS.
7 paNcAca caqBarvsatvmca maiDyOi-zarvmayehe aCahe WahiStahe
daquCO,
disyAT hE aMhe awaT miZdvm parO-asnAi aMuhe Yaqa aEtahmi aMhwO
YaT astwaiNti hazaMrvm maECin&m daEnun&m paiti-puqran&m nar&m
aCaon&m aCaya WaMhuya urune para-daiqyAT aEwahe hAt&m cinmAnahe
YaT aCahe WahiStahe.
paoiryeheca-nA myazdahe aDAiti spitama zaraquStra YaT
maiDyOi-zarvmayehe myazdawl ratuS amyazdawanvm ratunaEm ayasnIm
daste aNtarv mazdayasnAiS.
8 xCwaStIm maiDyOi-Cvmahe tiStryehe daquCO,
disyAT hE aMhe awaT miZdvm parO-asnAi aMuhe Yaqa aEtahmi aMhwO
YaT astwaiNti hazaMrvm gaw&m daEnun&m paiti-puqran&m nar&m
aCaon&m aCaya WaMhuya urune para-daiqyAT aEwahe hAt&m cinmAnahe
YaT aCahe WahiStahe.
bityeheca-nA myazdahe aDAiti spitama zaraquStra YaT
maiDyOi-Cvmahe myazdawl ratuS amyazdawanvm ratunaEm
awacO-urwaitIm daste aNtarv mazdayasnAiS.
9 paNcAca haptAitIm paitiShahyehe xCaqrahe Wairyehe anaGran&m,
disyAT hE aMhe awaT miZdvm parO-asnAi aMuhe Yaqa aEtahmi aMhwO
YaT astwaiNti hazaMrvm aspan&m daEnun&m paiti-puqran&m nar&m
aCaon&m aCaya WaMhuya urune para-daiqyAT aEwahe hAt&m cinmAnahe
YaT aCahe WahiStahe.
qrityeheca-nA myazdahe aDAiti spitama zaraquStra YaT
paitiShahyehe myazdawl ratuS amyazdawanvm ratunaEm
garvmO-WaraMhvm daste aNtarv mazdayasnAiS.
10 qrisatvm ayAqrimahe miqrahe anaGran&m,
disyAT hE aMhe awaT miZdvm parO-asnAi aMuhe Yaqa aEtahmi aMhwO
YaT astwaiNti hazaMrvm uStran&m daEnun&m paiti-puqran&m nar&m
aCaon&m aCaya WaMhuya urune para-daiqyAT aEwahe hAt&m cinmAnahe
YaT aCahe WahiStahe.
tUiryeheca-nA myazdahe aDAiti spitama zaraquStra YaT
ayAqrimahe myazdawl ratuS amyazdawanvm ratunaEm WArvmnvm staorvm
frapvrvnaoiti aNtarv mazdayasnAiS.
11 aStAitIm maiDyAiryehe daquCO WvrvqraGnahe,
disyAT hE aMhe awaT miZdvm parO-asnAi aMuhe Yaqa aEtahmi aMhwO
YaT astwaiNti hazaMrvm da?hlsciT W&qBan&m nar&m aCaon&m aCaya
WaMhuya urune para-daiqyAT aEwahe hAt&m cinmAnahe YaT aCahe
WahiStahe.
puxDaheca-nA myazdahe aDAiti spitama zaraquStra YaT
maiDyAiryehe myazdawl ratuS amyazdawanvm ratunaEm YAtvm gaEqan&m
frapvrvnaoiti aNtarv mazdayasnAiS.
12 paNcAca haptAitIm hamaspaqmaEdayehe WahiStOiStOiS gAqayl,
disyAT hE aMhe awaT miZdvm parO-asnAi aMuhe Yaqa aEtahmi aMhawO
YaT astwaiNti WIspa tarCuca xCudraca masanaca WaMhanaca srayanaca
nar&m aCaon&m aCaya WaMhuya urune para-daiqyAT aEwahe hAt&m
cinmAnahe YaT aCahe WahiStahe.
xStwaheca-nA myazdahe aDAiti spitama zaraquStra YaT
hamaspaqmaEdayehe myazdawl ratuS amyazdawanvm ratunaEm AhUirIm
TkaECvm frapvrvnaoiti aNtarv mazdayasnAiS.
13 awaEzO-dvm pascaEta fraca xraosyOiT fraca syazjayOiT
awaEzO-dvm pascaEta nArCni Kyaoqna aiBi-daiqIta ratuS ratunaEm
aqa ratunayO ratUm.
aCvm WohU...(3).
14 (rAspI,)
ahurahe mazdl raEwatO XarvnaMuhatO
(zOT u rAspI,)
AfrInAmi xCaqrayAne dai?hu-paiti uparAi amAi uparAi WvrvqrAi
uparAi xCaqrAi xCaqrvmca paiti-astImca darvGO-xCaqrvm xCaqrahe
darvGO-jItIm uStAnahe drwatAtvm tanubyO,
15 amvm hutaStvm huraoDvm WvrvqraGnvm ahuraDAtvm WanaiNtImca
uparatAtvm pouru-spaxStIm TbiCyaNt&m paiti-jaitIm duSmainyun&m
haqrAniwAitIm hamvrvqan&m aurwaqan&m TbiCyaNt&m.
16 AfrInAmi Wawanwl WanaT-pvCvnv buye WIspvm aurwaqvm TbiCyaNtvm
WIspvm aGvm TbiCyaNtvm araqByO-manaMhvm araqByO-WacaMhvm
araqByO-Kyaoqnvm.
17 Wawanv buye raqBya manaMha raqBya WacaMha raqBya Kyaoqna
nijanv buye WIspe duSmainyU WIspe daEwayasnV zazv buye WaMhAuca
miZde WaMhAuca srawahe urunaEca darvGe hawaMhe.
18 AfrInAmi,
darvGvm jwa uSta jwa awaMhe nar&m aCaon&m &zaMhe duZwarStAwarvz&m
WahiStvm ahUm aCaon&m raocaMhvm WIspO-XAqrvm,
aqa jamyAT Yaqa AfrInAmi.
...... humatan&m hUxtan&m hwarStan&m yadacA anyadacA Wvrvzyamnan&mcA
WAwvrvzanan&mcA mahI aibI-jarvtArO naEnaEstArO YaqanA Wohun&m
mahI << (2).
YaqA ahU WairyO....
aCvm WohU....
19 YaqA ahU WairyO...(2).
Yasnvmca Wahmvmca aojasca zawarvca AfrInAmi
raqB&m ayaran&mca asnyan&mca mAhyan&mca YAiryan&mca sarvDan&mca
YasnAica WahmAica xCnaoqrAica frasastayaEca
raqBO bvrvzatO YO aCahe raqB&m ayaran&mca asnyan&mca mAhyan&mca
YAiryan&mca sarvDan&mca raqB&m WIspe-maziStan&m YOi hvNti aCahe
ratawO hAwanIm paiti ratUm.
(ci gahaNbAr bVT,)
maiDyOi-zarvmayehe raqBO maiDyOiCvmahe raqBO paitiShahyehe raqBO
ayAqrimahe raqBO maiDyAiryehe raqBO hamaspaqmaEdayehe raqBO.
aCvm WohU....
aqa jamyAT Yaqa AfrInAmi.
...... humatan&m hUxtan&m hwarStan&m yadacA anyadacA Wvrvzyamnan&mcA
WAwvrvzanan&mcA mahI aibI-jarvtArO naEnaEstArO YaqanA Wohun&m
mahI <<.
YaqA ahU WairyO...(21).
aCvm WohU...(12).
ahmAi raESca ... hazaMrvm ... (kvrba maZd) ... aCvm WohU.....
1 YaqA ahU WairyO...(12).
aCvm WohU...(3).
frawarAne mazdayasnO zaraquStriS WIdaEwO ahura-TkaECO
rapiqBinAi aCaone aCahe raqBe YasnAica WahmAica xCnaoqrAica
frasastayaEca
frAdaT-fCawe zaNtumAica aCaone aCahe raqBe YasnAica WahmAica
xCnaoqrAica frasastayaEca.
2 ahurahe mazdl raEwatO XarvnaMuhatO amvCan&m spvNtan&m aCahe
WahiStahe Aqrasca ahurahe mazdl puqra WIspaEC&m Yazatan&m
aCaon&m mainyawan&m gaEqyan&m,
aCAun&m frawaCin&m uGran&m aiBiqUran&m paoiryO-TkaECan&m
frawaCin&m nabAnazdiStan&m frawaCin&m xCnaoqra YasnAica WahmAica
xCnaoqrAica frasastayaEca.
(zOT,)
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.
3 aqa-zI mraoT ahurO mazdl spitamAi zaraquStrAi rapiqBinahe
raqBO uxDvm WacO,
pvrvsaca-nl aCAum zaraquStra YA tE ahmAi parSta parStvm zI qBA
YaqanA taT amawaNt&m YaT qBA xCay&s aECvm dayAT amawaNtvm.
4 pvrvsaT zaraquStrO ahurvm mazd&m,
ahura mazda mainyO spVniSta dAtarv gaEqan&m astwaitin&m aCAum
cwaT hO-nA aMhuyAite cwaT hO-nA aCayeiti cwaT ahmAi naire miZdvm
aMhaT
5 YO rapiqBinahe ratufrita rapiqBinvm ratUm framarAite
rapiqBinvm ratUm frAyazAite frasnAtaEibya zastaEibya
frasnAtaEibya hAwanaEibya frastvrvtAT paiti barvsmvn uzdAtAT
paiti haomAT raociNtAT paiti AqrAT srAwayamnAT paiti ahunAT
WairyAT haomO-aMharStahe hizwO m&qrO-hitahe tanwO.
6 paiti-CE aoxta ahurO mazdl,
Yaqa WAtO rapiqBvnatarAT naEmAT spitama zaraquStra WIspvm ahUm
astwaNtvm frADatica WarvDatica saoKyaNtica aiBica aCAite
jAmayAiti awaT hO-nA aMhuyete awaT ahmAi naire miZdvm aMhaT
7 YO rapiqBinahe ratufrita rapiqBinvm ratUm framarAite
rapiqBinvm ratUm frAyazAite frasnAtaEibya zastaEibya
frasnAtaEibya hAwanaEibya frastvrvtAT paiti barvsmvn uzdAtAT
paiti haomAT raociNtAT paiti AqrAT srAwayamnAT paiti ahunAT
WairyAT haomO-aMharStahe hizwO m&qrO-hitahe tanwO.
8 frawaocaT ahurO mazdl spitamAi zaraquStrAi rapiqBinahe raqBO
uxDvm WacO.
aCvm WohU...(3).
9 (rAspI,)
ahurahe mazdl raEwatO XarvnaMuhatO
(zOT u rAspI,)
AfrInAmi ... aCvm WohU....
10 YaqA ahU WairyO...(2).
Yasnvmca Wahmvmca aojasca zawarvca AfrInAmi
ahurahe mazdl raEwatO XarvnaMuhatO amvCan&m spvNtan&m aCahe
WahiStahe Aqrasca ahurahe mazdl puqra WIspaEC&m Yazatan&m
aCaon&m mainyawan&m gaEqyan&m, aCAun&m frawaCin&m uGran&m
aiBiqUran&m paoiryO-TkaECan&m frawaCin&m nabAnazdiStan&m
frawaCin&m.
aCvm WohU....
aqa jamyAT ... aCvm WohU.......
.-----.
---.
| Avesta -- Zoroastrian Archives | Contents | Prev | ka | Next | Glossary |