Avesta: Fragments:

Nirangistan [1]

[1]

1

knmô nmânahê athaurunem pârayat. ýô ashâi berejyãstemô, hvôishtô vâ ýôishtô, ýim vâ ainim hapô-gaêtha, hazaôshyâ paångha cayãn.

2

para paôiryô âiti, para bityô âiti para thrityô aiti. aêta parâyaiti ýatha gaêthâbyô hênñti, aêshô gaêthanãm irishañtanãm raêshê [cikayat].

3

katârem âthravana athaurunem vâ pârayat gaêthanãm vâ asperenô avat. gaêthanãm asperenô avôit.

4

cvat nâ athrava athaurunem haca gâthâbish parayât. ýat hish thrish ýâ hmâ aiwish iti. cvat aiwishtem parayat. thrixshaparem hathrâkem xshvash xshafnô âca paraca. ýô baôyô aêtahmât parâiti nôit pascaita anaiwishtîm âstryañti.

5

katârô athaurunem parayât nâirika vâ nmânô-paitish vâ. ýezica vâ gaêthå vîmâ katâr parayât. nmânô-paitish gaêthå nâirika parayât. nâirikâi gaêthå vish nmânô-paitish parayât.

6

ýô anyahê nâirika anahaxtô athaurunem paranghâiti, kat hê vâ ashem verezyât ýâ nâirika nmânô-paiti verezyañti. verezyât usaiti nôit anusaiti. ahaxtô paranghacâiti, verezyât usaitica anusaitytica. frôit vare paranghacaite akå hazanguha anâkåse tâyush.

7

ýô anyehe aperenayûkahe anaxtô athaurunem parañhacâi, pasca hâra tanûm parayeiti. ýat aêsha ýôi aperenâyûkô sraoshi vâ anutacaite, aôxtô vâ he aôxte thwât pairi anguha, pasca hathra â fra-sruiti she paiti tanûm parayeite.

8

ahmi nmâne anghe vîse ahmi zañtvô anghe danghvô cvat bish ayå vîtayå anghen. ýugayastish haca nmât atha danghôit visat hâthrem zañtaôt â danghaôt, ýatha dâityâ spasanya, ýatha para vayeô nmânemca vîsemca zañtêushca danghêushca.

9

âat ýat hê aoxte aêsha ýenghe aperenâyûkô, hacanguha me hana aperenâyûka, ýatha vashi atha haxshaête, vana pascaiti uzdanguhucit patha haxtôit, cvat anabdôishtem ayanem paranghacaite. ýâ frayarena vâ uzayeirine vâ avãn aiwyâstish anghat. ýô aêtahmât paranghacâiti, nabânazdishtem he para pascaiti raêshaca adhwadâityasca âstrâiñti.

[2]

10

âat hvatãm aba aêthrapaitîm ýenghe nisritem frâra âhi anastritim ýezi âat he nôit aikhsritîm frâra nôit ainisritîm âstryeñti. ýathra apereyûkô nôit he anisrish, atha aiwyanghem [ýathra ratush thwayanghem] ýathra aperenâyûkô. âhe aithisritîm staryeiti. adha ýat vâ ýathra thwayanghem vâ thwayanghem vâ. 10b daêvayasnahe vâ tanu-perethahe vâ aperenâyûka parshanghacaite nisritat aêtahe astryeiti nôit asriti.

11

cvat nâ aithra-paitim upaôisât ýâre drâgô. thrizaremaêm xratûm ashavanem aiwyånghat. ýezi añtarât naêmât aêtahe drengayeiti para paityâiti vîraodhayeiti, hâthrô nvc ainem aêthrapaitim upôisôit aêvatha tûirîm upôisôit, ýezi avat vaêthat vaênatha añtarat naêmât hathrahe dreñjayâatca naêma pascaiti vîrôidhi.

12

kem aêmat aêthrapaitim upayat apnôtem dahmem. ýese tat apayeiti pârañtarem isôit. ýavat aêtahmya zru staôtanãm ýesnyanãm dâdrâgôish, ýatha tat âfrimari nemô h'yât atha tat âfrimnô âstârayeiti, aêtavatca aêshascit âstârayeitê.

13

ýô hê aperemnâi nôit vîsâiti frâmrûiti, kô hê paôurunãm aêthrapaitinãm âfraôxte âstryeiti. nabânazdishtô. âat havatãm nana ýahmi pareiti, [vîspaêshu parenti] vîspaêshu afrôti âstryeiti.

14

ýô asrut-gaôshô vâ afravaôcô vâ nôit ôim cinem vâcim aiwyâish, nôit pascaiti anaivishti âstryêiti. ýezi âat ôyum pe vâcim aiwyâish anaiwishti âstryeiti.

15

ýô avadha nôit aiwyâsti ashaone aradusha hâvayanghem axtem, daretô vâ anangrô tâya vâ, ýnâ vâ aodra vâ tarshnâ vâ aurvash angra vâ aodra vâ tarshna, anguha vâca tangrô-pithwå ahmât paiti adhwâ, nôit aêâvishti âs tryeiti. vâthmaini ashayâ h'afna vâ anaivishti âstryeiti.

16

kat vâ daêvayasnât vâ tanu-perethât aêthrapatôit pairi aiwyanghat. frasrâvayô ava dâthra ýem dim vaênât evisaêushva vañdânem. nôit âva ýâ vistaêshva. nôit he ashaone shyaothananãm verezyôit.

17

nâ daêvayasnâi vâ tanuperethâi vâ aêthrayâi cashâiti. dahmô niuruzdô adhâityô-draonô, dâityehe draonanghô upa gnångha, pairi-gereftayât paiti zmanyå, nôit api-gereftayât paiti. cvaiti she aêsha zimana anghât. ýatha gâush fravaiti. vehrkâi hizvãm dadhâiti ýô azrazdâi methrem cashte.

18

kat vâ daêvayasnâi vâ tanuperethâi vâ gêush adhâitya âstryeiti. nôit âstryeiti, anyô ahmât ýô he gavâ varesh daidhît aêtahmâi.
---------------

Nirangistan [1a]

[1]

19

dahmô dahmâi aoxte, frâ ma nere gârayôish ýat ratush fritôish âsât. vîsaiti dem frakhrârayô nôit frakhrâkhrâyeiti, aêshô ratufrish ýô cakhâra.

20

cvaiti narãm axtô zaota ratufrish ahunem vairîm frasraôshyehe. vîspaêibyô aêibyô ýôi hê madhemyâ vaca [vaca] frasrâvayamnahe vâ upa surunvañti ýat vâ ýasnem ýazemnahe

21

surunaôiti zaodha upa sraotaranãm, nôit upa sraotarô zaotarô, zaora ratufresh, aêtavô upa sraotarô ýavat framarentem. nôit zaota upa sraotaranãm, upa sraotarô ratufryô, aêtavatô zaota ýavat framaraite.

22

sraothrana gâthanãm ratufresh, paiti-astica ýasnas-he adha frashôshô-mãthrahe, ahe zî nâ sravanghem aframareñti âstryeite, ýatha gâthanãmcit. gâthå srâvayô ýasnem ýazeñtem paitishtaiti, vîspanãm gâthanãm ratufresh. ýasnem ýazâiti gâthanãm srâvamnãm paitishti, ýasnahe aêvahe ratufrish aratufrish gâthanãm.

23

ýâ gâthå afsmainya rayatô va ratufrish. vacastashtivat srâyamnô aêtavatô ktarâcit ratufresh ýavat framarenti.

24

ýâ ýasnem ýazebenti afsmainyãn vâ vacastashtivat vâ va ratufrya. hãm srut vâcayâdhi ýezietva aratufrya. kat hãm-srut vacimca. ýat hakat ârmutô afsmainyvãnca vacasta. avacyô surunvaiñti nôit ainyô, aêshô ratufrish ýô nôit aiwisrunâiti.

25

ýô gâthanãm anu-maiti vâ anu- mainaiti, ainyehe vâ srâvayañtô paitishtañti, anyô vâ he dahmô srutô-gâthå dadhâiti aratufrish, asrutå dadhâiti.

26

ýô gâthå srâvayeiti apô vâ paitish hvaine, raodhanghô vâ keresãm vâ sadhôtanãm, gâthanãm vâ vayañtanãm, ýezi hvaêibyô ushibyô aiwisrunvaiti ratufrish. ýezi âat nôit hvaêibya ushibya aiwisurunvaiti rapayât, ýezi apôit âat nôit âpôi îsh, aêtadha mamdhya vacô framaremnô ratufrish.

27

cvat nâ netema vaca gâthå srâvayô ratufresh. ýezi he nazdishtô dahmô vî surunvaiti ýavat vâ aêm aêm havaêibya ushibya.

[2]

28

gañtumô ýavanãm ratufresh.

[3]

29

ýôi aêtêe maidhyanãm parô hvaretôitpâthå nôit srâvayeiti, paoithya vatishtaa aêshãm shyaothanemca acithôirishtem.

30

tat hvarenô bâdha asti, dahmô hurãm hvaraiti madhô aspyâ payanghô, dâityâ draonå hvarô madhô hvaraiti, nôit gâthanãm asruiti âstryeiti. fradhå-draonô hvarô madhaite, nâ gâthanãm asruiti.

[4]

31

ýô bish hastarem srâvayeiti ratufryô. thrish hastrem srâvayenti. cvat nitemem hastrem anghat ratufryêe. thrish.

32

ýô gâthå pairi uxshayeiti srâvayañti ýezi arastrem pairi âdha vâ vacat apayañta aratufrya pasca vâ parô vâ pairi âdha [a]ratufryô.

33

katha zaotha gâthå frasrâvayâiti. naêmô vacastashti madhimya vaca zarathushtri mana, ýezica aêtêe vacô apayaeiti ýôi heñti gâthâhva bishâmrûta thrishâmûtaca cathrushâmrûtaca, daêvanãm kereta, aêtaêshãm vacãm aratufryô.

34

kaya pañti vaca bishâmrûta.
ahyâ ýâsâ,
humatanãm,
ashahyâ âat,
ýathâ tû î,
humâim thwâ îzhem,
thwôi staotarascâ,
ushtâ ahmâi,
speñtâ mainyû,
vohû xshathrem vairîm,
vahishtâ îshtish.

35

kaya thrishâmrûta.
ashem vohû,
ýê sevishtô,
huxshathrôtemâi,
duzhvarenâish.

36

kaya cathrushâmrûta.
ýathâ ahû vairyô,
mâzdâ at môi vahishtâ,
â airyêmâ.

37

kanghãm nâ gâthanãm srutanãm aratufrish. ýâ ýaêzô vâ fra va shâimnô srâyeiti, aêtaêshãm vacãm aratufrish. adhaêca uiti ýatha kathaca dahmô staota ýesnya haurva dadhâiti, paurvât vâ naêmât aparât vâ, myô vâ taca vâ hishtanemnô vâ ånghânô vâ dathânô vâ baremnô vâ vazemnô vâ aiwyâstô athâ ratufrish.

[5]

38

dahmô zaota tanuperetha upasraotarô, ýezi dish tanuperethô vaêdha, aêvatô ratufrish ýavat framaraiti. ýezi âat dish nôit tanuperethô vaêdha, vîspanãm gâthanãm ratufrish.

39

tanuperetha zaota dahma upasraotârô, ýezi dim tanuperethem vîvare, aêtavatô ratufrish ýavat framerenti. ýezi âat dim nôit tanuperethem vîvare, vîspanãm gâthanãm ratufrish. dahmô zaota dahmô upasraôtârô vîspe ratufryô. tanuperethu zaota tanuperethô upasraotârô vîspe aratufryô.

40

kayâcit nâ dahmanãm zaothrâdha ratufrish, nâirikåscit aperenâyûkaheca, ýezi vaêtha hâthanãm thwaresêsca frataurunåsca, añtare hâitishu ýasnem frâizish.
--------------------

Nirangistan [2]

[1]

41

ýô gâthå asrâvayô ãstâ vâ tarômaiti vâ tanûm pereyeiti. kô ãstâ kâ tarômaiti. ýâ hacâ daênayât mâzdayasnôit apastûitish.

42

ýô gâthå asrâvayô ýâre drâjô apa tanûm pairyeiti. ýezi ånghãm ôyãm pevâcim framaraiti, pairi shê hô paretô-tanunãm stånghaiti, ýahmat haca tem ava raodheñti. ýô gâthanãm ôyem vâcim apayâiti aêvãm vâ vacastashtîm, thri vâ azâiti ayare drâjô vâ vâstryât, atha bityå atha thrityå, athâ vîspem â ahmât ýat hê hañjasañta ýatha cathrushem ýå gâthå asrâvayô hyat aradusha hê shyaothanem. thrishûm tarô hvaraya naêmem tarô bâzugataya vîspem tarô ýâre drâge hê him ýâtem astryeiti. ýatcit pascaiti aêvãm ratufritîm ava raodhayeiti tanûm pairyeiti.

43

ýô gâthanãm aêvãm ratufritîm ava raodhayeiti thri vâ âzaiti ayare drâjô vâ vâstryât, atha vîspem â ahmât ýat hê hañjasaiti ýatha thrishûm ýå gaêthå asrâvayô ... tanûm pairyeiti.

44

ýô gâthå asrâvayô naêmem ýâre drâjô, tat paiti aênem dahmem gâthanãm sraothrå pairishtayeiti, ýadhôit naêm ýå gaêthå asrâvayô hyat atha u âstryeiti, paourum vâ naêmêm ýâ aparem vâ pairyashtayeiti pishotanush.

45

ýô gâthå asrâvayô naêmem ýå tat paiti aênem dahmem jaiñti ardush vâ akhryô [staorem] vâ bistaorem ýâ ýat mazanghem vâ hvarem hvarôit hê anghat cithayaêca upa-beretayaêca.

[2]

46

kahmât haca ushahinanãm gâthanãm ratufrish frajasaiti. haca maidhyâyâi xshapat hu-vaxshâi pairi-sacaiti, atha aiwigâmi. âat hama ýezi para hu-vaxshat ahunavatca gâthanãm srâvayeiti, ýasnemca haptanghâitîm ushtavaitîm hâitîmca, anâsteretô pascaiti avå yå anyå srâvayôit âmaêidhyât fra-ýârat!

47

kahmât havanem gâthanãm ratufrish frajasaiti. haca hû-vaxshat maidhyâi frayarâi pairi-sacaiti, hamatha itha, âat aiwi-gâmi maidhyâi uzayarâi ýat vâ ýatha uzarem ýat ýatha xshaparem.

48

hahmât aheca apãm vanghînãm frâtish fracasaiti. haca hû-vaxshât â hu-frâshmô-dâitôit pairi-sacaiti, tat hama tat aiwegâma. ýô âpe zaothrãm frabaraite, pasca hû-frâshmô-dâim para hû-vaxshât, nôit vanghô ahmât shyaothanãm verezyeiti, ýatha ýat hîm azhôish vishâpahe vastrem paityâpta karshôit!

49

kahmât haca rapithwanãm gâthanãm ratufrish frajasaiti, haca rapithwayât maidhyâi uzayarâi pairi-sacaiti!

50

kahmât haca uzayairanãm gâthanãm ratufrish frajaiti. haca maidhyâi uzaryarât hu-frâshmô-dâitêe pairi-sacaiti, hama itha. âat aiwigâmi ýezi para hû-frâshmô- dâtôit ahunãsca vairyã frasrâvayeiti, apasca frâite, speñtâ mainyûmca vacastashtem xshvash vahishtem srâvayti, anasteretô pascaiti avå ýå anyå srâvayôit â maidhyât xshapat!

51

kahmât aiwisrûthremananãm gâthanãm ratufrish fracasaiti. haca hû-vaxât frâshmô-dâitêe maidhyâi xshape pairi-sacaiti, tat hama tat aiwi-gâmi!

52

ýôi dâitya ýaona hvarenta, gavastraca vareshnå verezañtô xratûmca ashavanem aiwishañtô, adhâityô-draonanghasca henta, dâitîm gêush draonô upa isemnô ava apangha- bdeñti, framarentem aêshãm, nôit aêtaêshãm ratufrish ratufraitîm thwereshâiti, ýadhôit aête framarenti ýadhôit ratufryô.

53

âat aêtaya fracarenti keresãsca gadhôitîshca, daêvîshca hañdaramana upa mraodêsca vîspô-xshapô, dâityô-draonanghasca hañtô, fradhâitîm dâitîm gêush draonô upôisemnô adha avanghabdemnô, aframarentem aêshãm, aêtaêshãm ratufrish ratufritîm thwiresaitî.

54

kãhya âgava ratufrish. ýå avangha avå ýå nâiryå ýå puthrahe aperenâyôish. ýå tanu-perethahe aparaothemnahe akhaurvaya ratufresh. ýå haca daêvayasnaêibyô ava urvaitya apa bara aya ratufrish, tadha ýat paiti barenti ýâ aredushat apaititat âcakhaurva, ýâhu varanghana, ýâ adhâiti fravaityanãm frapa ýâ nôit vîstem drvatô ýat paiti barånti nôit apaita nôit paiti kaya ratufresh.

55

ratufrish apaityânô kãhya ratufrish havâ ýâ nmânahe paiti ricyeihe ýezi vish hvâvôish dazde ratufrish hvaretha ýezi aratufrish.

56

nôit pasushca bazda nôit irishta anazdya ratufrish. abañta airishta anadya pairishtanghara ratufrish.

57

ratufrish pasuyêbîsh hvâstâishca ahvâstâishca zâyêshca azâyeshca. ratufrish patush hvastâish nôit [anastâishca azyâish nôit] anazyâish. ratufrish snâkênishca vîzushca hvâstâishca nôit ana-hvâstâish azyâish nôit anazyâish.

58

ratufrish caremanãmca pasu-vastranãmca, upa raêshatnâish fraôiritarat naêmât, marâtanãm nôit amarâtanãm azayanãm nôit anazayanãm.

59

ratufrish nâirikayå kehrpa nôit payanghô, nôit sunô kehrpa payanghô, ratufrish vahrkayå kehrpayå payanghaca hadhô vîspanãmca daêvayasnanãm [tanu-]perethanãm dûm hathra baodhô fraurvaêshyô.

60

ýô aêvô hadhô-gaêthanãm ýô baresmaca frastareñti gêushca paiti-bairaiti, adhât ainye añtarat naêmât hâthrahe vacasca framavaiñti gavastryâca vareshnå verezeñti, vîspaêshãmca aiwi-surunvaiti vîspe ratufryô. ýezi âat nôit aiwi-srunvañti aêshô [ratufrishô] ratufrishô ýô baresma frastereñta gêushca paiti-baraiti.

61

kahmât haca mazdayasnanãm myazde raethwaiti. ýâ xshudru ýat vâ ýazañti ýat vâ hãm-raêthweñti, ýat vâ frâ uithetâtô pereseñti, ýat vâ aêshãm anyô aêtahmâi dâiti dadhâiti.

62

kahmât haca myazdavanãm myazde rathwaiti. ýâ pâpithwa vasô acishtêe, ýat pairi baresman hañjasañte âat ratufritêe. ýat ýazañti ýat vâ hãm raêthwayeiñti. ýat vâ aêshãm anyô aêtahmâi dâiti dadhâiti.

63

ýasca mê aêtaêshãm mazdayasnanãm myazdavanãm aêtanghãm ýat myazdanãm anahaxtô para-baraiti, nôit tâyush nôit hazangha bavat, aiwicicishmnâi âkacithamanãm stayât. ainyô kascit anghêush astvatô para-baraiti âkå hazangha anakåse tâyush.

64

ýâ nara hâmô-hvaretha hamô-gaodana hamãm aête xshâurunem zaothrãm barâtô hamãm pâipithwãm. paitinãm hâmô-hvaretha paitica gaodana, paitinãm aête xshadrem zaothrãm barâtô hamãm pâpithwãm. paitinãm hvaretha hâmô-gaodana, hamãm aête xshaudrem zaothrãm barâtô paitinãm pâpithwãm. paitinãm hvaretha paitinãm [hvaretha hâmô] gaodana, paitinãm aête xshudrãm zaothrãm barâtô paitinãm pâpithwãm.

65

caiti nâ aêvahe pasvô zaothrât barat. catangrô. atha dvå atha thryãm, catyrãm aêvãm kahyâicit tadha frayanghãm. cvat gaonahe avabarât. ýâ dvaêibya erezubya hañgerefat, dashenem â vâ gaonavatô, bareshnshô vâ paiti vakhdhanahe. vîspaêshãm añtare paiti-narôit.

66

cvat nâ âpa fratat carete xshâudrem payanghãm paiti-barât. ýatha tâshta zaothrô-barana. âat tûirinãm ýatha thrish hvarethema raêthwish bacinô, âat paitêush ýatha cathwârô ashti masô ainaidkim nãzå.

67

cvat nâ ate armaêshtaya xshâudrinãm payanghãm paiti-barat. ýatha thrish hvarema raêthwa bacinô. avi gereftem paitim gerebyât, fradarishtacit tûirinãm fradarayôit. nâvayayâi itha ape, âat nâvayâi, avaêzô aêtanghå frabareta dâstra masô paiti-barô, aipi cakhaurvatãm aspayanãmca payanghãm gâvayanãmca maêshininãmca buzinanãmca. avaêzô pasûm hãm puxdhem mananghô nôit payanghô usca âpe shâuô gâvayâish xshvash vakhzhibish añtare barôit ýatha nôit aêti nidâitica airishyã âzî dim aêtaêshãm daonô-jaitish astâraiti.

68

avatha frabereta zaothrå frabarôit, atha hâvana haomãn hunyât, ýatha havat vaêthat atha me zaothre yete raocahe nôit añtare temahe. vîdâyât zi ýatha hô ashish anghat, vîspanãm ziî asrasciñtem parâca aêshayamananãm daêva raêzaête upa nuxturushu tuthraêshu asrâvayamnât paiti ahunât vairyât, athâ ýô dim frahañciñtare âtaremca baresmaca, anairyanãm tat dah'yunãm verethrâi uzjasaiti.

69

ýô paiti ape baraiti nôit baresmaine, ýezi baresma añtarât naêmât aêshô draojyehe ýavô frathyehe, paiti baresmacit paiti-barôit, ýezi nôit thrivâ paiti âzâiti ayâre drâjô vâ vâstryât. ýô paiti baresmaine nôit ape, ýezi âfesh añtarâtnaêmât thrigâmahe, paiti apaêcit barôit, ýezi nôit paiti-baraiti thri vâ âzâiti ayâre drâjô vâ vâstryât.

70

ýat baresma aêshô drâjô ýavô frathô kavacit aêtahe paiti-barôit. ýat masyô aêtahmât baresma, ýatha aêtahe frasterenâiti atha aêta he paiti- barôit. ýat zaota ahurem mazdãm ýazâiti madhimâi baresmãn paiti-barôit, ameshê speñtê ýazâiti frâtemâi baresmãn paiti-barôit, apô at ýazamaide haotemâi baresmãn paiti- barôit, ashâunãmca urunasca fravashishca ýazamaide ashnôtemâi baresmãn paiti-barôit. vîspaêibyô ýasnô-keretaêibyô madhemâi baresme paiti-barôit. daxshmaêtim aêtat baresma ýat paiti-âpem frânayañtema.

71

apa adhât frabereta aêtâibyô zaothrâbyô ýâiti ýånghãm nôit aiwiyô vanghibyô frabaravat frâ aêtå zaothrå barôit zaota gêush pâityâipôit paoiryô frangharôit mrûiti aêta zaota imãm vacô. ...frasha adhât ... arât naêmât ýojuyastôish pai ... aseñti aêsmãsca baresca!

[5]

72

cish zaotarsh kairim anghat mazdôish aiñ. gåsca frasrâvayâiti vacimca anghe astvâiti paiti adhayât, athâ ratush. âat hâvanânô [ýat] haomemca ahunavat anghavanemca vaemanât.

73

âat âtravaxshahe ýat âtremca aiwa-vaxshayat âthrasca tishrô thraxtish ýaozhdathat, zaothrasca vâcim paiti adhayât, athâ ratush.

74

âat fraberetarsh ýat âthrasca aêvãm thraxtim ýaozhdathat, baresmãnca frakem âthraêca ýasnô- keretaêibyô paiti-barât.

75

âat âsnatâra ýat haomemca âsnayât haomemca paiti-harezât.

76

âat raêthwish-karahe ýat haomemca gava rathwayât baxshayâatca.

77

âpem â-beres â-barât. sraoshâvarezô aiwyâxshayât.

78

zaotara dâityô-gâtush madhemca nmânahe madhemât arâthraot apa sritô.

79

stuiuxtish hâvanânô dâityô- gâtush dashinem upa sraxtim fratarãn baresmãn aparãm âthrô. haoyât haê naêmât âsnatârsh. âtravaxshahe dâityô-gâtush dashanem upa thraxtem fratarãm âthrô. fraberetarsh dâityô-gâtush haomyãm upa sraxtim fratarãn baresmãn. dashinât haê naêmât raêthwishkarahe. anaiwi-eretavô gâtush aêta âbereta sraoshâvarezahe vîcarayatem.

80

ýezica aêti ratavô anahaxti pairigayañti, zaota vîspe ratu thwâish rashayañti aêvadha âsnâthrat hâvaynâne raêthwayeiti.

81

ýat aêvô zaota frayazâiti mayazdahe aiñ zaotarsh gâtava, aêtaya myazde aiwi-vaidhayeiti rathwaêca myazdaêca rathwaêca, vîspayå sãcadhca ashaonô stôish ýasnâica vahmâica xshnaothrâica frasastayaêca. zaotarsh gâtava ahunem vairîm frasrâvayôit. shyaothanô-tâitya hâvanêibyô paiti- janghôit, hâvanânô gâtûm. âtravaxshahe gâtava âtrem aiwi-vaxshayôit. fraberetarsh gâtûm [ýasnem haptanghâitîm] frâyazaiti.

82

ýasca aêtaêshãm rathwãm paoiryô paiti [â] jasât hâvanânem aêtem âstayeiti, bitîm âtravaxshem, thritîm fraberetârem, tûirîm dânazvâzem, puxdhem âsnatârem, xshtûm raêthwishkarem, haptathem sraoshâvarezem.

83

adhât anyaêshãm rathwãm paiti âdhayôit aêtaêshãm ratavô azdâi thrigâmi añtare anañtare atha añtare patatha ýat añtare vâ âat añtare vâ paiti vâ thri vâ âzâiti ayare drâjô vâ vâstryât zaothranãm paitishta sti myazdôish aiñ.

84

avayô vanañti spitama zarathushtra ýô fraurvaêrxte hava [he vanaiñti]. âvoya druyañti spitama zarathushtra ýô fraurvaixti havahe urunô druzhaite âvoya [dârem] dadhâiti spitama zarathushtra ýenghe dâthrahe dâiti côit hava urva vâ râza dâthri zî paiti nivâitish vîspahe anghêush astvatô humataêshuca hûxtaêshuca hvareshtaêshuca. aêsha zaothranãm mazishtaca vahishtaca sraêshtaca ýâ nairi ashaone dasti aiwica haitha cishânâica paitica pâresmanai xratûm ashavanem.
ashem vohû...!

Nirangistan [3]

[1]

85

aiwyâsta mazdayasna gâthå srâvayat nôit anaiwyâsta. kva ithra aiwyångayåñti. adhairi kashaêibya. cvat aiwyånghayåñti. ýat aêshãm aredvaê gavastryâ varishtcå verezañtãm nôit avangrâsayât adhairi harethraeibyô.

86

nanetema vastrahe aiwyâstô ratufrish. ýatha âthravanô bish paiti bish maidhyôi- paitishtânô.

87

kva tâcit aêtahe aiwyâstô ratufrish. ýat masyô aêtahmât vâstrem, aêtavatô aêtahe nistema aiwyâstô ratufrish. ýô aiwyånghayeâite karetêsca aratufryô pasca aiwyâstem nitaoshayeiti ratufryô.

88

ýezi thrish hathråñcô ýâtayañti ratufryô. ýezi âat nôit hathråñcô ýâtayañti aratufryô.

89

ýô anu aêshãm baresma frastareñti ýatha ashava jâmâspô frastarenaêta ratufrish.

90

cvat nânitima baresmana ratufrish. thrish urvara. cyå vâitisha aêtayå urvarayå anghen. tarô denânô varesô stavanghô, âat upema aêshô drâjangha ýavô frathangha.

91

ýô vanghenti keretîshca, paiti vanghãsca xre uru baourishca, ýezi añtarem asperenô vastrahe aiwyånghayåñti ratufryô, anasperenô vastrahe aiwyånghayåñti aratufryô.

92

ýô vanghaiti varenåsca pairi-urusvaishtish, at kêsca frazushô sanghasca uparasmanâi, ýezi azarem aiwyånghyåñti ratufryô, aparem aiwyånghyåñti aratufryô. anyãmca sutem vanghânahe narem na aratufryô.

93

ýô vastra vastrem aiwyåñti, uzbareñti aratufryô, uparât naêmât ava-bareñti atha aiwyånghayåñti ratufryô.

94

ýezi uzgeresnâvayô nivañti, ýezi añtarât naêmât ýâ hama aiwyånghaca aiwyånghayåñti, ýezi añtare breñjayâiti va ratufryô, ýezi â nôit añtare derezyâiti va aratufryô.

95

ýô aiwyånghayångti rasca nmânâi nmânayãsca, ýezi tarasca aiwyånghana aipi-verecaiñti ratufryô, pasca vâ pairi bareñti aratufryô. ýô vanghaiti nadhesca sadhayañtishca caremãnca huki, makhanãm tinãm aiwyâstãm irîrîsh nôit anaiwyâsti astareñti, ýezi âat nôit makhanãm tanu aiwyâstãm ririshiâ anaiwyâsta streñti.

96

ýô gâthâ ratufrish paiti parayañti, ýezi aspkereñtô vastrahe aiwyâstem dâdarayô â anaiwyâsti streñti, ýezi âat nôit asperenô vastrahe aiwyâstrem dâdarayô nôit anaiwyâstô.

[2]

97

ýô baresmãn frastareñti haomãsca varedhêsca thanvasca añtare dâta. ýezi thrish hâthra kêibish ýayeiñti ratufryô, ýezi âat thrish nôit thrish hâthrâkebish ýâtayañti aratufryô.

98

ýô urvarãm baresma frastareñti hamô-vareshejim paouru-fravâxshem, vî-barô fravâxshô ratufrish, nôit vî-barô. paoirish paoiri-fravâxshô frastareñti, vî-narasca avi-baresca ratush.

99

ýô baresma anahmât naêmât hãm srishâiti hãm vâ darezayeiti. vî-barô ratufrish, nôit vî-barô, atha ýatha ýô hãm vaêshyâ hãm vaêshcayeiti vanaêma hãm srishaiti varesca â-vî-baresca ratufrish.

100

ýô baresma taoshyeiti draosh vâ paiti sôinma, unãm vâ katcit vâ paiti sidaranãm, ýezi tishrô dinânô hathrâcish nish-hish cañtifratufrish. ýô urvarayå ava vaeceñti, ýezi tishrô tarô denanô hathra cish bareñti fratufrish, ýezi âat nôit tishrô tarô denânô hathra cish bareñti aratufrish.

101

ýô zemo tishrô kareshå frakârayeiti, ava itha bareñti ýavahe vâ gavanahe vâ, ýezi tishrô dtarô denânô hathracish añtara speñti ratufrish, ýezi âat nôit tishrô tarô denânô hañdarezhañti aratufrish. ýô anyehe as-hya baresma frashtareñti, ýezi paiti shå urvarå upa dadhâiti ratufrish, parô upa dâtå frastareñti aratufrish.

102

haptâ heñti hâvana ratavô baresma sterenaêiti, paoirya ýenghe mê ashât hacâ, bityâ ahunanãm vairyanãm, thrityâ dâidî môi, tûiryâ ushtavaityå vâ speñtâ mainyush vâ hâtôish hañdâtâ, puxdha ýenghe mê ashât hacâ, xshtvô dâidi môi, haptatha ushtavaityå vâ speñtâ mainyêush vâ hâtôish hañdâtâ. âat anyâhu ratufrishu catangrô danghåscåit baresmãn frastaraityô, paoiryâ ýenghe mê, bityâ ahunãm vâirân, ... dâitî môi ýê gãm, tûiryâ ushtavatayå gâthayå vâ speñtâ mainyêush vâ. kvaê aêtãm asmem paiti-barât añtare ahuna airyanemna.

103

umemcit ava vâcim gâthanãm asrutem paiti- barô aratufrish. pasca vâ pari vâ pairi bareñti aratufrish. ... fracarâtô aêva mazdayasna baresmãn stereñti, ýô anu aêshãm tat ahma tat aêvê gâma. âat aêsha ýô aremôidô aiwieretô gâtush, aêvayayacit aêshô baresmô steraiti ratufrish. frashâvayô aiwigâmi ratufrish paiti nôit afrashâvayô. kâ frashûitish ýat kvat. frâ vâ apa vâ shâvayêiti, âat hama ýå paiti frayat tå paiti âat baresmãn upa-baraiti.

104

ýô anyehe dahmahe baresma frastareñti frajasaiti, ýezi hôi dahmô añtarât naêmât hâthrahe aratufrish. ýezi âat nôit dahmô añtarât naêmât hâthrahe barô hâthrât frathrâthvayô ratufrish nôit athravayô.

[3]

105

ýô kemcit dahmanãm aperenâyunãm ashtem dasti, hâ mê bara aêsmaca baresmaca, ýezi shê dâiti dadhâiti aratufrish. ýezi âat he nôit dâiti dadhâiti aratufrish. nâirikãm vâ aperenâyûkem vâ ashtem dasti, havâi rathwe pathayeiti. daêvayasnem vâ tanuperethem vâ ashtem dasti, paoiryâi dahmanãm pairi-geremyâi pathayeiti.

106

cvat nâ nitema aêsmahe paitibarô ratufrish. ýatha vareshnahe kehrpahe dêush.

107

havanaêibya ratufrish ayanghanaêibya zemaênaêibya, ýezi anusvå añta. nôit astaênaêibya nôit draonibya ratufrish nôit fravâxshnaêibya ratufrish. dâityô aênyô hâvanô adâityô aêibyô.

108

cvatbya kâ nitemaêibya hâvanaêibya aratufrish. ýâthra ýãstuma huitîm hish xistô. cyâvañtô aête ãsavô anghen. bashidrajanghô aoge varesô. kat hãm thrisa vîbarat nôit. thrayãm kvacit upabarô ratufrish. aêtavat âpô ýavat aêtaêibyô upanghareshtee. kva tâcit gêush vîcithra paiti-barô aratufrish. asânaênaêibya nâ havaêibyâca na vanghavaêibyasca, atha haomya atha apa atha aiwyånghana, havahe aêsma hava baresmana.

109

cvat aêtaêshãm ahurahe kâcit upa isât-ýavat hâthrem ýô aêtishãm nôit kâcit upô isât aêtavat apayaêsha añtare hathremcit aêteê anya upa isôit ýezi nôit upôisaiti thri vâ âzâiti ayare drajô vâ vâstryât ýô upôisôit nôit vanasti anascaiti vareshtasca makhneñtascit srâvayôit. ýezi ishca nôit isca nôit anashavanem aênishtem âstâraiti.